Category: Stimpilklukkur

Categories
Stimpilklukkur

Stimpilklukka með handskönnun

handklukkaÞað færist í aukana að notast við lífkenni (biometrics) þegar stimpilklukkur eru annarsvegar. Stundum er notast við handskönnun.

Þessi lausn er ein fyrsta lífkennalausnin sem í boði var. Höndin er lögð á flöt, sem oft er með pinnum sem aðskilja fingur, og tækið skannar höndina. Ekki þarf að muna neinar tölur eða passa að gleyma ekki kortinu sínu. Bara leggja hönd á þar til gerðan skynjara sem „þekkir“ þannig viðkomandi og skráning á sér stað.

Í lífkennalausnum vinna tækin yfirleitt þannig að þau búa til auðkenni sem síðan er vistað í tækinu. Þau geyma því ekki mynd af lífkenninu sjálfu. Úr þessu auðkenni er ómögulegt að endursmíða lífkennið sjálft. Þetta er grundvallaratriði varðandi persónuvernd.

Handskönnun er notuð með sérsmíðuðum stimpilklukkum.

Kostir:

  • Oftast frekar einfalt í notkun
  • Rafræn skráning
  • Býður upp á einfaldleika og sjálfvirkni við úrvinnslu
  • Þarf ekki að muna eftir korti og/eða tölum

Gallar:

  • Getur verið töluverður byrjunarkostnaður
Categories
Stimpilklukkur

Fingrafara stimpilklukka

fingrafaraklukkaÞað færist í aukana að notast við lífkenni (biometrics) þegar stimpilklukkur eru annarsvegar. Í flestum tilvikum er notast við fingrafar.

Þessi lausn er þægileg í notkun, ekki þarf að muna neinar tölur eða passa að gleyma ekki kortinu sínu. Bara leggja fingur á þar til gerðan skynjara sem „þekkir“ þannig viðkomandi og skráning á sér stað.

Í fingrafaralausnum vinna tækin yfirleitt þannig að þau búa til auðkennisstreng sem síðan er vistaður í tækinu. Þau geyma því ekki mynd af fingrafarinu sjálfu. Úr þessum auðkennisstreng er ómögulegt að endursmíða fingrafarið sjálft. Þetta er grundvallaratriði varðandi persónuvernd.

Langoftast er fingrafaralausn notuð með sérsmíðuðum stimpilklukkum en það er þó hægt að notast við venjulega tölvu líka. Þá er fingrafaralesari tengdur við hana.

Kostir:

  • Oftast mjög einfalt í notkun
  • Rafræn skráning
  • Býður upp á einfaldleika og sjálfvirkni við úrvinnslu
  • Ein öruggasta lausnin í boði í dag
  • Þarf ekki að muna eftir korti og/eða tölum

Gallar:

  • Getur verið töluverður byrjunarkostnaður
Categories
Stimpilklukkur

Korta stimpilklukka

kortaklukkaMjög algengt er að notast við stimpilklukkur þar sem starfsmaður notar kort. Það geta ýmist verið svokölluð nándarkort, strikamerkjakort eða segulrandakort.

Oftast er notast við sérstakar stimpilklukkur til verksins en einnig er mögulegt að notast við venjulegar tölvur. Er þá tengdur lesari við tölvuna sem getur skannað kortin.

Það er gríðarlegt úrval til af tækjum og lausnum í þessa notkun. Enda eitt algengasta formið á skráningu í dag, ásamt skráningu með innslætti. Oft er þessu reyndar blandað saman þ.e. bæði notast við kort og staðfestingu með númerainnslætti.

Hægt er að fá lausnir þar sem einungis er safnað skráningum í stimpilklukkunni sjálfri og þær síðan teknar reglulega til úrvinnslu. Einnig er hægt að fá lausnir þar sem skráningar safnast sjálfkrafa miðlægt til úrvinnslu.

Þetta er mjög sniðug lausn ef fyrirtæki er í aðgangsstýrðu húsnæði. Þá er hægt að fá sér lausn sem notar sömu kort og eru notuð í aðgangskerfinu.

Kostir:

  • Oftast frekar einfalt í notkun
  • Rafræn skráning
  • Býður upp á einfaldleika og sjálfvirkni við úrvinnslu
  • Sæmilega öruggt ef kort eru ekki geymd á sameiginlegum stað

Gallar:

  • Getur verið töluverður byrjunarkostnaður
  • Starfsmenn geta stimplað hvorn annan inn/út ef kort eru á sameiginlegum stað
Categories
Stimpilklukkur

Skráning með innslætti

InnsláttarklukkaMjög algengt form við inn- og útskráningar í dag er að notast við skráningastöðvar þar sem starfsmaður slær inn auðkennisnúmer sitt, annaðhvort á takkaborð eða á snertiskjá.

Allur gangur er á því hvort notast er við sérstakar skráningastöðvar eða einfaldlega venjuleg tölva notuð til verksins, nú eða jafnvel gsm sími.

Það er gríðarlegt úrval til af tækjum og lausnum í þessa notkun. Enda eitt algengasta formið á stimpilklukkum í dag, ásamt stimpilklukkum með kortum.

Hægt er að fá lausnir þar sem einungis er safnað skráningum í stimpilklukkunni sjálfri og þær síðan teknar reglulega til úrvinnslu. Einnig er hægt að fá lausnir þar sem skráningar safnast sjálfkrafa miðlægt til úrvinnslu.

Kostir:

  • Oftast frekar einfalt í notkun
  • Rafræn skráning
  • Engin spjöld eða kort sem þarf að hafa á sér
  • Býður upp á einfaldleika og sjálfvirkni við úrvinnslu

Gallar:

  • Getur verið töluverður byrjunarkostnaður
  • Starfsmenn geta stimplað hvorn annan inn/út
Categories
Stimpilklukkur

Spjaldastimpilklukka

Spjaldaklukka

Ein leið til að skrá sig inn og út úr vinnu er með notkun spjaldastimpilklukku. Þá er klukka á staðnum sem hefur búnað til að ýmist stimpla á þar til gerð spjöld eða gata þau á vissan hátt.

Þannig bætist smátt og smátt á spjaldið upplýsingar um inn- útskráningar.

Hver starfsmaður hefur yfirleitt eitt spjald í notkun á hverjum tíma. Þegar spjaldið er orðið fullt, eða tímabilið sem það á að nota í er liðið, þá tekur starfsmaður nýtt spjald og tækið skráir á það.

Þetta er einfalt form og þægilegt á meðan ekki eru of margir að nota þessa lausn. Það getur hinsvegar verið töluvert verk að vinna úr upplýsingunum á þessum spjöldum og gera klárt fyrir launavinnslu.

Kostir:

  • Lítill byrjunarkostnaður
  • Einfalt í notkun (inn- útstimplun)
  • Spjöld með skráningum (ekki rafrænt)

Gallar:

  • Mikil vinna við úrvinnslu skráninga
  • Spjöld með skráningum (ekki rafrænt)
  • Starfsmenn geta stimplað hvorn annan inn/út